По изборите за Европскиот Парламент време е да се сумираат првите впечатоци, да се направат првите анализи за тоа кој победил, а кој изгубил, кој бил казнет, кој награден.
Еврозум оваа емисија му ја посветува на постизборниот период во Европската Унија.
Бевме на организираното проследување на европските избори во Европскиот информативен центар во Скопје. Малку политичари од Македонија дојдоа таму за да ги проследат изборите. Ја сакаме ли помалку Европа, кога така игноратно се однесуваме кон неа?
Го прашавме и Амбасадорот на ЕУ во Македонија – Ерван Фуере каква е неговата политичка ориентација. Тој одговараше на неколку прашања поврзани со ЕУ од сајтот: http://www.euprofiler.eu/ . Гледајте Еврозум за да ја видите неговата политичка ориентација.
А по изборите ги донесуваме и првите проценки поради што имаше досега најслаба излезност на изборите за Европскиот Парламент, кои се предизвиците за идниот Парламентарен состав и како да се надмине ситуацијата на зголемено присуство на ултра десничари и евро-скептици меѓу пратениците.
Posts
